اكمني قلبي ووجداني تجرح في يا زماني

أكمنى
اكمنى قلبى وحدانى
تقوم تجرح فيا يا زمانى
!! وكل ماشكى لنفسى منك تقوم تعيدلى نفس الجرح تانى
غريب مع ان اهلى حواليا
جريح ودموعى ماليه عنيا
وكتير اوى الجرح بكانى وخلى الدنيا مش هيا
يازمانى والله عرفت انك
وكتير من الناس حكولى عنك
!! وكل لما اشكى لنفسى منك تقوم تعيدلى الجرح تانى
امتى يا بكره هتجينى
امتى بقى من جرحى تداوينى
وليل الحزن يفكر انه ينسانى
والفرحه تجرى عليا وتاخدى بالحضن وتنادينى
واعيش ايامى
زى الناس وافرح
واغنى فى كل مطرح
وسنين العمرتطرح
احلى واجمل اغانى
اكمنى قلبى وحدانى تجرح فيا يا زمانى

كــــفايه
كفايه يا دنيا كفايه عذاب
ليه عايشة فيكى زى الأغراب
بتوهمينى انى خلاص لقيت احباب
وترجعى تخطفينى وتدفنينى وانا روحى فيا
وتفتحى قبرى بايديكى وتغطينى بالتراب
واعيش فى ليل و ويل وابقى ذكرى
لا
قصدى سراب

كفايه يادنيا دانا شبابى راح منى
هتقولى ايه لربنا لما يسئلك عنى
هتقوليله على العذاب الى عشته وشوفته فيكى
هتقوليله على الصحاب الى كتير اوى باعونى ليكى
هتقوليله قلبى داب
هتقوليله فرحى مات وغاب

ولا ناويه تشربينى من كاس الألم والآه
وان فى يوم شوفتى عينى
غرقانه دموع وجراح
هتضحكى وتقوليلى انتى حظك تعيشى فـ هم
ولا حضن هيدفيكى ولا حتى حضن ام
وابصلك وكلى غرور
واقولك بفخر وسرور
ليا رب اسمه كريم
هيكرمنى ويرحمنى ويبعد عنى كل شيطان رجيم
وياريت

كفايه يادنيا كفايه عذاب
دانا قلبى من جرحك وعذابك داب
دانا من يوم ماعينى شافت الدنيا معاكى حزين
قلبك قاسى ليه معايا ولابيلين
جروح يادنيا كفايه جروح
ليه يادنيا كرهانى فى قلبك ليه
نفسى اعرف ذنبى نفسى اعرف عملت ايه
مكفكيش خلينى اعيش!!
دموع عنيا من الاحزان بحور
مكتوب عليا ياعذاب معاك ادور
اااااه
وادور

ولما اثور واغضب واقول
لا يا جسور اليأس انتى وهم ومع الأيام ههدك
بتتحدينى وبتبنيلى الف سور وسور
بينى وبين الحلم لكن ربنا اقوى منك
هو ربى طول الوقت جمبى
اما انتى ايوة انتى مش قد انسانه قلبها كله ايمان ونور
انسى انك فى يوم هتضعفينى
واوعى تفرحى بدموع عينى
دى دموعى دى بتهنينى و بتواسينى

بتعب واشقى ورزقى قليل واسعد غيرى بختى انا يميل
كل اللى احبه يبيع ويخون
والحب بعد العشره يهون
كتير تعبت من الاحباب
خلو القلب الطيب داب
ملقتش فيكى يادنيا اصحاب حنينين
قاسين ساقونى مرار وعذاب
وقلوبهم غدارين
قالو عليا امر كلام
خلو حياتى دموع والأم
العمر كله مليان هموم على طول
والناس فيك يازمان قلوبهم زى الطوب
ليه انا بختى غيرالناس
اشرب المرار فى كاس وراء كاس
رضيت بحظى
واقول مكتوب على الجبين
وعيشت بين الناس مغلوب طول السنين
الى جرحنى مجرحتوش والى ظلمته قلت الله يسامحه من قلبى ومظلمتوش
كفايه بقى يادنيا كفايه عذاب والله انا قلبى منك داب
!!!

وف اخر كلامى ببعت سلامى
لكل فرحه جايه طايره وسط الجناين وعلى الغصون
من واحدة حلمت طول حياتها بحضن حنون
يضمها
وتشكى همها
وتقول يا ليل
يا جراح و ويل
ع المجروحين
المكسورين
ليه الحبيب يظلم حبيبه وهو مخلص له و وفى
وليه نصيبنا بيبع قلوبنا قدام الشديد القوى
ليه مكونتش اقوى منك لما صاحبى خانى باعنى
ليه مقولتش مش لازمنى مش هاممنى
ليه دموعى باحت بضعفى فى احضان عيون ناس كدابين

» قلبي عفا .........
» للغالين على قلبي
» مريض بالحب يا قلبي
» برواز فوتوشوب للصور - قلبي
» كلمات نطق بها قلبي عن قناعه اتمنى ان لا تزول مدى الدهر