نهـــــدى ونعمـــــر مصــــــــــــــر ولا نثــــــور ونخــربهــــا

مابلاش كلام كتير

يا معارضين ويا مؤيدين ويا مخربين

تعالو نلملم جراحنا

دحنا فى الأول والأخر مصريين

ننصب جنازه للميتين

نتبرع بالدم للمصابين

نلم زبالة البلد وف السجون نرميها

يا شباب يلا بينا دى مصر

تعالو نعليها

مصر دلوقت مريضه يارب أشفيها

ليه يا مخربين مستعجلين موتها

دى مصر لو قالت أي

كل الدول تترمى تحت رجليها

سكووووت يا عربجيه

يا شوية همجيه

جزب المعارضه على الوفد والغد

الإخوان يا عالم البلد بتتهد

بدأوها شباب بمظاهره سلميه

يومين وقلبت مظاهرات

تحت شعار فقط للبلطجيه

ضرب أقسام وسرقة أثار

ويقول حقنا دى بلدنا إحنا الثوار

كل ده المحصول الناتج من شغل الحكومه

حكومه فاسده حراميه مرتشيه

أحمد نظيف

لتنظيف جيوب المصريين

حبيب العادلى

إتهان وإسكت يا شعب غلبان

أحمد عز

حرامى برخصه دوليه

إتفرج على العز بعينك وبس

حرامى السياحه والإسكان

حكومه حراميه من كبيرها لصغيرها

خربتها وقعدت على تلها

إحمو مصر يا شبابنا يا محترمين

يا أصحاب ثورة خمسه وعشرين

البلد بتتألم والحال بيتأزم

والكلاب طلعلها صوت وبتصيح

يارب أحفظ مصر وأحميها

دى الدمعه منها تنزل

على كل الدول تكويها

وقف حال العالم

والكل عليكى يا مصر بيتفرج

فيه اللى بيدعيلك

ويتمنى منك يقرب

وفيه الخسيس اللى فرحان

أمثال كتير شوفناها

فى محنة مصر عشناها

بان اللى عايز يعمر

واللى ماسك كمامه وبيشمر

هتعدى الازمه بإذن الله

دى مصر أبيه

هتقوم وتبقى قويه

يارب تعدى الأزمه على خير

وترجع مصر الأمان

مصر الخير

.............

بحبك يا مصر